ငါ ဆိုတာ စိတ္တဇ
တစ်ကောင်ပါ….
ငါ့ညတွေ ထွက်ရပ်ပေါက်
ငါ့ဘာသာ ဘယ်ရောက်နေမှန်းမသိအောင်
တုံးတယ် ။
ဘ၀ထဲက နှုတ်စရာ
ဘာမှမကျန်တာတောင်
လွမ်းလို့ကောင်းတုန်း……
စိတ်ကူးတွေ ဖျော်သောက်
လေးပေမီးချောင်း
အောက်မှာ
ငါ့ အိပ်မက်တွေ
မခမ်းနားဘူး ။
ငါ ဆိုတာကိုက အမှောင်လေ………..
လရောင်ကို အထပ်ထပ်ကျူးရင့်
ကြယ်တွေကို တိုးတိုးလေး
ညည်းလို့
ကောင်းကင်ကို သီဆို………
ငါ ဆိုတာ နဂိုကတည်းက
တုံးပြီးသားပဲ ။
ဒီလိုပဲ
ငါဆိုတာ စိတ္တဇ
တစ်ကောင်ရယ်ပါ………. ။
ထီဧလွင်
၁၄ရက် ဩဂုတ် ၂၀၁၂
No comments:
Post a Comment