စာရေးချင်နေတာကြာပြီ၊
ရေးစရာအကြောင်းကလည်း ရှာမရ၊ မယ်မယ်ရရ တစ်ခုမှမရှိဆိုတော့ ဘာရေးလို့ရေးရမှန်းမသိအောင်ဖြစ်နေတာလည်း
တော်တော်ကြာနေပြီ။ အခု ဒီရက်ပိုင်းမှာ သိသိသာသာကြီး ပိန်သွားတယ် (ပိန်သွားတယ်ဆိုတော့
အရင်က၀တယ် ထင်နေဦးမယ်၊ ပိုပိန်သွားတာကိုပြောတာ) ။ စိတ်ဖိစီးမှုများလို့ထင်တာပဲ၊ နို့ပေမယ့်
ဘာကြောင့်စိတ်ဖိစီးမှုများတာလဲ ဆိုတော့လည်း လောက်လောက်လားလား ပြစရာဘာမှမရှိ၊ အလုပ်ကြောင့်လား၊
စီးပွားရေးလား၊ အိမ်တွင်းရေးလား၊ မေတ္တာရေးလား ဒါမှမဟုတ် အဲဒါတွေအကုန်လုံးကြောင့်လား၊
ဖြစ်နိုင်တယ် အားလုံးနည်းနည်းစီတော့ ပါဝင်ပတ်သက်နေမှာပဲ။ ဘာဖြစ်လို့ဖြစ်မှန်းမသိ ဖြစ်နေတဲ့
ကိုယ့်ကိုယ်ကို အခုလိုမျိုးစာတွေချရေးပြီး ဖွင့်ထုတ်လိုက်ချင်တာ။
Wednesday, November 21, 2012
Thursday, November 8, 2012
အတွေး - ၂၀၁၂
Labels:
Verses
သူများချွေးထွက်မှ
အေးရမယ်ဆိုလည်း
နေပါစေတော့ဗျာ......
ကျုပ်က သူဌေးဇာတာမပါဘူး။
ရောင်းတန်းဝင်အောင်လုပ်နေရတဲ့
မြို့ပြက
အသက်တိုတယ်။
မနေ့ကမပြောဖြစ်တဲ့အကြောင်း
ဒီကနေ့မေ့သွားခဲ့
မှတ်မိသမျှ
အားလုံးက အနီရောင်........
ခပ်အေးအေးပဲဗျာ......
အဲဒီလို ကိုယ့်ကိုယ်ကို
လုပ်ကြံပစ်လိုက်တယ်။
နောင်တတွေနဲ့
ကျင့်သားရပါများလာတော့
အိပ်မက်တွေကို
လက်ဖွာခဲ့ပြန်ပေါ့
တကယ်တမ်းတော့....
ဘ၀မှာ ထုံးစံဆိုတာ
တကယ်မရှိခဲ့ဘူး။
ဘ၀ကြီးတစ်ခုလုံး
မူးနောက်
ဆန္ဒတွေ ဇောက်ထိုးဖြစ်တဲ့အထိ
ကျုပ်တို့တတွေ
တပ်မက်မှုကို မက်မောခဲ့ပြန်သေး.........
ထားခဲ့လိုက်ကြစို့
နောက်နေ့မှာ
ဆက်မက်ကြဦးမှာပေါ့
အဲဒီလို ခပ်မှိန်မှိန်
မျှော်လင့်ကြစို့ရဲ့.....
အတောင်ပါမှမဟုတ်ပါဘူးဗျာ
ရေခိုးတွေတောင်
အငွေ့ပျံတတ်သေးတာပဲ။
နာကျင်ရုံမကလို့
တစ်စစီစုတ်ပြတ်သွားရင်တောင်မှ
လဲပြိုမသွားတာကလည်း
မာန ပဲပေါ့။
ထီဧလွင်
၈ရက် နိုဝင်ဘာ
၂၀၁၂
Subscribe to:
Posts (Atom)